ເມື່ອເຂົ້າສູ່ໄວຈະເລີນພັນ ແມ່ຍິງຈະເລີ່ມຄຸ້ນເຄີຍກັບການມີປະຈໍາເດືອນ. ແລະບາງຄົນອາດຈະມີອາການຂອງ “ຕົກຂາວ” ຕາມມາເຊັນກັນ.
ລົງຂາວຄືຂອງແຫຼວທີ່ຂັບອອກຈາກຊ່ອງຄອດ. ມີລັກສະນະເປັນນ້ຳເມືອກ, ມືນ, ແລະ ມັກຈະມາ 3 ຊ່ວງເວລາຄື: ຊ່ວງກ່ອນມີປະຈຳເດືອນ. ຊ່ວງລະຫວ່າງມີປະຈໍາເດືອນ ແລະ ຊ່ວງຫຼັງມີປະຈໍາເດືອນ ປົກກະຕິການຕົກຂາວຂອງຊ່ອງຄອດສີຂາວຂຸ້ນ ຫຼື ສີໃສ. ແລະ ບໍ່ມີກິ່ນເໝັນ ແຕ່ລົງຂາວຜິດປົກກະຕິ ມັນຈະມີສີທີ່ແຕກຕ່າງກັນ, ເຊັ່ນ: ສີເຫຼືອງຫຼືສີຂຽວ. ມາພ້ອມກັບກິ່ນທີ່ບໍ່ຫນ້າພໍໃຈແລະເບິ່ງຄືວ່າເປັນກ້ອນຫນາ. ລວມທັງອາການແສບຊ່ອງຄອດ. ນີ້ອາດຈະເປັນສັນຍານເຕືອນວ່າຮ່າງກາຍເລີ່ມມີຄວາມຜິດປົກກະຕິ.
ເນື່ອງຈາກສຸຂະພາບພາຍໃນຂອງແມ່ຍິງ ມັນສໍາຄັນ. ສະນັ້ນ, ເຮົາຄວນເບິ່ງແຍງສຸຂະພາບ ແລະ ກວດເຊັກຢ່າງເປັນປົກກະຕິເພື່ອຫາຄວາມຜິດປົກກະຕິທີ່ອາດຈະເກີດຂຶ້ນກັບຮ່າງກາຍຢາງສະມຳສະເໝີ. ນອກຈາກການສັງເກດການຜິດປົກກະຕິຂອງປະຈໍາເດືອນເຊັ່ນ: ປະຈຳເດືອນມາຫຼາຍຫຼືດົນຜິດປົກກະຕິ. ພວກເຮົາຍັງຄວນເອົາໃຈໃສ່ເຖິງຄວາມສໍາຄັນຂອງການສັງເກດອາການຂອງການຕົກຂາວ. ເພາະການຕົກຂາວສີຂອງຊ່ອງຄອດອາດເປັນສັນຍານເຕືອນທີ່ບົ່ງບອກເຖິງພະຍາດໄດ້.
ລັກສະນະຂອງການຕົກຂາວຜິດປົກກະຕິ
ລົງຂາວສີຂີ້ເຖົ່າຫຼືສີຂີ້ເຖົ່າອ່ອນໆ
ຕົກຂາວເປັນສີເທົາມັກຈະມີກິ່ນເໝັນ ຫຼື ມີກິ່ນຄາວ. ສ່ວນຫຼາຍແມ່ນເກີດຈາກການຕິດເຊື້ອແບັກທີເລຍຈາກການມີເພດສໍາພັນ. ການນໍາໃຊ້ ຢາຊ່ອງຄອດ ຫຼືໄດ້ຮັບຢາຕ້ານເຊື້ອຢ່າງຕໍ່ເນື່ອງເປັນເວລາດົນນານ
ຕົກຂາວເປັນສີຂາວຂຸ້ນ ຫຼືສີເຫຼືອງອ່ອນໆ ຕົກຂາວຂຸ້ນຜິດປົກກະຕິ
ຕົກຂາວປະເພດນີ້ເປັນກ້ອນ ແລະ ມີສີຂາວຂຸ້ນຜິດປົກກະຕິ. ມາພ້ອມກິ່ນເໝັນ. ເຮັດໃຫ້ທ່ານຮູ້ສຶກຄັນບໍລິເວນອະໄວຍະວະເພດ. ອາດຈະເກີດຂື້ນກັບອາການຍ່ຽວ ແລະ ການແສບທາງຊ່ອງຄອດ. ສີຂອງຕົກຂາວນີ້ມັກຈະເກີດຈາກບັນຫາເຊື້ອລາໃນຊ່ອງຄອດ.
ຕົກຂາວເປັນສີເຫຼືອງເຂັ້ມ
ມາພ້ອມກັບກິ່ນຄາວ ແລະມີອາການຄັນ, ຍ່ຽວຍາກ, ອາດເກີດຈາກການຕິດເຊື້ອແບັກທີເຣຍເຊັ່ນ: ພະຍາດໜອງໃນ ຫຼືຈາກເຊື້ອລາ ແລະໄວຣັສ.
ຕົກຂາວສີຂຽວ ຫຼື ສີເຫຼືອງປົນສີຂຽວ
ພ້ອມກັບກິ່ນຄາວ ແລະມີອາການຄັນ. ປົກກະຕິແລ້ວເກີດມາຈາກການຕິດເຊື້ອຈາກເຊື້ອແບັກທີເຣັຍ. ຫຼືການຕິດເຊື້ອຈາກການມີເພດສໍາພັນ
ຕົກຂາວທີ່ມີເລືອດອອກ ຫຼືເປັນສີນ້ຳຕານ
ການຕົກຂາວປະເພດນີ້ອາດມີກິ່ນເໝັນ. ອາດຈະເກີດຂຶ້ນຫຼັງຈາກປະຈໍາເດືອນ ຫຼືມັນອາດຈະເກີດຈາກການຕິດເຊື້ອໃນປາກມົດລູກ. ຫຼືມີເລືອດອອກຈາກການຕົກໄຂ່
ຕົກຂາວແບບມີຟອງ
ມັນມັກຈະມາພ້ອມກັບອາການລະຄາຍເຄືອງ, ອາການຄັນ, ແສບຄັດໃນເວລາຍ່ຽວ, ແລະ ແຊບຊ່ອງຄອດ. ອາການແມ່ນເກີດຈາກການຕິດເຊື້ອ ໃນຊ່ອງຄອດທີ່ສາມາດຕິດຕໍ່ໄດ້ໂດຍການມີເພດສໍາພັນ.
ຕົກຂາວສີບົວ ຫຼືສີບົວອ່ອນໆ
ມັນມັກຈະພົບເຫັນຢູ່ໃນແມ່ຍິງທີ່ຫາກໍ່ເກີດລູກແລະອາດຈະເປັນສາເຫດມາຈາກການໄຫຼອອກຂອງເນື້ອເຍື່ອຂອງມົດລູກ.
ຢ່າງໃດກໍຕາມ, ການຕິດເຊື້ອດຽວກັນ ອາດຈະມີການນໍາສະເຫນີທີ່ແຕກຕ່າງກັນຂອງການລົງຂາວຜິດປົກກະຕິ. ແລະການຕົກຂາວຜິດປົກກະຕິສາມາດເກີດຈາກການຕິດເຊື້ອທີ່ແຕກຕ່າງກັນ ເພາະສະນັ້ນ, ທ່ານຄວນໄປຫາ ແພດ. ເພື່ອກວດ ແລະ ປິ່ນປົວໃຫ້ຖືກຈຸດ
