ລົງຂາວຜິດປົກກະຕິໃນຜູ້ຍິງໃນໄວເຕີບໂຕ
ລົງຂາວຜິດປົກກະຕິ ເປັນອາການສ່ວນໃຫຍ່ບໍ່ສະບາຍຈະມາພົບແພດທາງພະຍາດຍິງ ໂດຍປົກກະຕິລັກສະນະຂອງລົງຂາວຈະມີສີໃສຫຼືຂາວຂຸ້ນເລັກນ້ອຍ ບໍ່ມີກີ່ນ ສັງເກດອາການບົ່ງບອກວ່າລົງຂາວຜິດປົກກະຕິໄດ້ຈາກ
+ ສີ ປ່ຽນຈາກສີຂາວເປັນສີຂຽວ ເຫຼືອງ ຂາວ ເທົາ ຫຼື ມີສີແດງ ເນືອງຈາກມີເລືອດປົ່ນ
+ ກິ່ນ ກິ່ນເໝັ້ນຄ່າຍກຸ້ງເນົ່າ ຫຼື ມີກີ່ນຄາວ
+ ມີລັກສະນະເປັນຟ່ອງ
+ ຄັນບໍລິເວນຊ່ອງຄອດ ຫຼື ອະໄວຍະວະເພດ
+ ແສບທີອະໄວຍະວະເພດ
ໂລກທີ່ມາພ້ອມລົງຂາວຜິດປົກກະຕິ
1, ເຊື້ອລາໃນຊ່ອງຄອດ ລົງຂາວຈະມີລັກສະນະສີຂາວຂຸ້ນເປັນກ້ອນໆ ອອກມາຈຳນວນຫຼາຍ ບາງຄັ້ງອາດມີສີຂຽວຈາກການຕິດເຊື້ອແບກທີເລຍນຳ
ອາການທີ່ເປັນລັກສະນະເດັ່ນຄື ຄັນບໍລິເວນຊ່ອງຄອດ ຫຼື ອະໄວຍະວະເພດ
ບາງອາການເກົາຈົນເກີດເປັນບາດແຜ ເຮັດໃຫ້ແສບເວລາຂັບຖ່າຍ ຖ່າຍເບົາ ຫຼື ເວລາຖືກນ້ຳ
ໃນກໍລະນີທີ່ມີບາດນຳ ອາດຈະຕ້ອງກວດຫາໂລກຕິດເຊື້ອຈາກການມີເພດສຳພັນນຳ ເຊັ່ນ: ເລີມ ເປັນຕົ້ນ
2, ເຊື້ອແບກທີເລີຍໃນຊ່ອງຄອດ ລົງຂາວຈະມີລັກສະນະເປັນສີຂຽວ ກີ່ນຄາວ ບໍ່ຄັນ ບໍ່ມີອາການແສບຊ່ອງຄອດ
3, ເຊື້ອພະຍາດໃນຊ່ອງຄອດ ລົງຂາວມີລັກສະນະສີຂາວເທົາ ກວດພົບການອັກເສບທີ່ຊ່ອງຄອດ ແລະ ປາກມົດລູກ
4, ໂລກຕິດເຊື້ອຈາກການມີເພດສຳພັນ ເຊັ່ນ ເລີມ ສ່ວນຫຼາຍຈະມີອາການເຈັບ ແສບ ຄັນ ມີຕຸມບາດທີ່ອະໄວຍະວະເພດ ຮ່ວມກັບຍ່ຽວແສບຂັດ ບາງເທື່ອອາດຈະມີໄຂ້ນຳ
ລົງຂາວຫຼາຍຜິດປົກກະຕິ ຢ່າປ່ອຍຖີ້ມໄວ້!!!
