ລັກສະນະການຕົກຂາວປົກກະຕິ
ສີຂາວຫຼໃສ, ບໍ່ມີກິ່ນເໝັນ ແຕ່ການຕົກຂາວທີ່ຜິດປົກກະຕິຈະມີກິ່ນເໝັນ, ມີສີທີ່ແຕກຕ່າງ, ແລະມີອາການຄັນ ແລະແສບບໍລິເວນປາກຊ່ອງຄອດ ແລະ ເປັນຕົ້ນ.
ຕົກຂາວສີຫຍັງທີ່ຜິດປົກກະຕິ?
ຕົກຂາວສີຂາວຄີມ
ລັກສະນະ/ອາການ:ຕົກຂາວສີຂາວຂຸ້ນ, ໜາ, ໜຽວ, ມີອາການຄັນ, ແສບຮ້ອນ ຫຼື ເຈັບໃນເວລາຖ່າຍ ຫຼືໃນເວລາມີເພດສຳພັນ.
ສາເຫດ: ການຕິດເຊື້ອຈາກເຊື້ອລາ.
ຕົກຂາວສີເຫຼືອງ
ລັກສະນະ/ອາການ: ມີສີເຫຼືອງໃສ ຫຼື ສີເຫຼືອງເຂັ້ມ, ມີອາການຄັນ, ມີກິ່ນເໝັນຄືນົມບູດ. ເມື່ອຍ່ຽວມີອາການຄັນແສບ.
ສາເຫດ: ການຕິດເຊື້ອຈາກເຊື້ອແບັກທີເຣັຍຫຼັງຈາກການມີເພດສໍາພັນ, ຕິດເຊື້ອລາ, ຫຼື ຕິດເຊື້ອໄວຣັດ.
ຕົກຂາວສີຂຽວ
ລັກສະນະ/ອາການ: ມີສີຂຽວເຂັ້ມ ຫຼື ສີເຫຼືອງ, ມີອາການຄັນຊ່ອງຄອດ, ມີກິ່ນຄາວ ແລະ ມີອາການຄັນ.
ສາເຫດ: ຕິດເຊື້ອຈາກແບັກທີເຣຍ. ຫຼືຕິດເຊື້ອໂດຍການຕິດຕໍ່ທາງເພດສຳພັນ, ເຊັ່ນ: ໜອງໃນ
ຕົກຂາວສີນ້ຳຕານ
ລັກສະນະ/ອາການ: ຕົກຂາວແບບມີເລືອດປົນ. ຈົກາຍເປັນລົງຂາວສີນໍ້າຕານ, ມີໂຟມ, ມີກິ່ນເໝັນ, ແລະຍ່ຽວມີອາການຄັນແສບ.
ສາເຫດ: ການຕົກຄ້າງປະຈໍາເດືອນທີ່ຊ່ອງຄອດຫຼັງຈາກຫມົດປະຈໍາເດືອນ. ມີຄວາມສ່ຽງຕໍ່ການເປັນເນື້ອງອກ ຫຼືມະເຮັງປາກມົດລູກ.
ຕົກຂາວສີບົວໄດ້
ລັກສະນະ/ອາການ: ມີສີບົວອ່ອນໆ ເພາະມີເລືອດປົນຢູ່ໜ້ອຍໜຶ່ງ. ມີອາການແສບຄັນ.
ສາເຫດ: ມັກພົບໃນແມ່ຍິງທີ່ຫາກໍ່ເກີດລູກ. ເກີດຈາກການລອກຂອງເຍື່ອໂພງມົດລູກ.
ຕົກຂາວສີຂີ້ເຖົ່າ
ລັກສະນະ/ອາການ: ເລີ່ມອອກສີຂາວຂຸ້ນ . ແລ້ວກາຍເປັນສີເທົາ, ມີກິ່ນເໝັນ, ແລະ ມີກິ່ນຄາວ.
ສາເຫດ: ການຕິດເຊື້ອແບັກທີເຣັຍຫຼັງຈາກມີເພດສໍາພັນ. ການສ່ວນຊ່ອງຄອດ ຫຼື ການຮັບຢາຕ້ານເຊື້ອຕໍ່ເນື່ອງ
ຕົກຂາວມີຟອງ
ລັກສະນະ/ອາການ: ລົງຂາວມີຟອງ, ສີໃສ ອາດເກີດຈາກຟອງອາກາດ. ມີອາການແສບຄັນເມື່ອຖ່າຍເບົາ.
ສາເຫດ: ການຕິດເຊື້ອ ທີໂຄໂມນາສ ໃນຊ່ອງຄອດຜ່ານການຮ່ວມເພດສຳພັນ.
