ຊ່ອງຄອດຕິດເຊື້ອແບັກທີເຣັຍຈົນອັກເສບ ແລະ ຈະເກີດຫຍັງຂຶ້ນ? ສັງເກດອາການໄດ້ແນວໃດ?
ບັນຫາທົ່ວໄປທີ່ຜູ້ຍິງແບບເຮົາບໍ່ສາມາດຫຼີກລ່ຽງໄດ້: ລົງຂາວຜິດປົກກະຕິ, ມີກິ່ນເໝັນ, ຄັນ ແລະ ລະຄາຍເຄືອງ. ຈົນເຮັດໃຫ້ຮູ້ສຶກເສຍຄວາມໝັ້ນໃຈ. ແລະ ຍັງເປັນຫ່ວງກັບສາເຫດຕ່າງໆ ທີ່ເຮັດໃຫ້ເກີດອາການເຫຼົ່ານີ້ ແລະ ສາເຫດໜຶ່ງທີ່ເຮັດໃຫ້ເກີດອາການຄັນນ້ອງສາວ ແລະ ອາການລະຄາຍເຄືອງແມ່ນເກີດຈາກຊ່ອງຄອດອັກເສບຈາກຄວາມບໍ່ສົມດຸນຂອງເຊື້ອແບັກທີເຣັຍ (Bacterial Vaginosis) ເຊິ່ງມີໂອກາດເກີດຂຶ້ນໄດ້ກັບທຸກຄົນ ເຖິງແມ່ນວ່າບໍ່ເຄີຍມີເພດສໍາພັນກໍຕາມ.
ສະນັ້ນເລື່ອນລົງແລະອ່ານບົດຄວາມນີ້. ເພື່ອກວດເບິ່ງລັກສະນະອາການຊ່ອງຄອດອັກເສບຈາກເຊື້ອແບັກທີເລຍ ເປັນຢາງໃດ? ສາເຫດມາຈາກຫຍັງແນ່? ລວມທັງວິທີການຮັກສາໃຫ້ດີ.
ບົດຄວາມນີ້ໄດ້ຮັບການກວດສອບຂໍ້ມູນທາງການແພດຊ່ຽວຊານດ້ານການຈະເລີນພັນ.
ລັກສະນະອາການຊ່ອງຄອດອັກເສບ ຈາກເຊື້ອແບັກທີເຣັຍ
ຊ່ອງຄອດອັກເສບຈາກການຕິດເຊື້ອແບັກທີເລຍ ອາດສະແດງອາການໄດ້ຫຼາຍວິທີ, ທີ່ພົບເຫັນຫຼາຍທີ່ສຸດສຸດປະກອບມີ:
ລົງຂາວຜິດປົກກະຕິ
ລົງຂາວປ່ຽນເປັນສີຂີ້ເຖົ່າ ຫຼື ສີຂຽວ
ລົງຂາວມີສີຂາວຂຸ້ນ.
ລົງຂາວມີກິ່ນເໝັນ ມັກຈະມີກິ່ນແຮງຂື້ນ ຫຼັງຈາກມີເພດສຳພັນ
ລົງຂາວເປັນຟ່ອງ, ໄຫຼອອກມາຄືກັບປັດສະວະ.
ອາການຄັນ ແລະ ແສບຮ້ອນຢູ່ໃນຊ່ອງຄອດ ແລະ ບໍລິເວນຢູ່ຈຸດຊ້ອນເລັ້ນ
ຍ່ຽວແສບຂັດໃນຂະນະຖ່າຍເບົາ
ຮູ້ສຶກເຈັບໃນເວລາມີເພດສຳພັນ
ເລືອດອອກຫຼັງຈາກມີເພດສຳພັນທີ່ມາຈາກປາກມົດລູກອັກເສບ
ອາການເຫຼົ່ານີ້ຍັງຊີ້ໃຫ້ເຫັນເຖີງ ບັນຫາເຊື້ອລາໃນຊ່ອງຄອດ ຫຼື ບາງຄົນອາດຈະບໍ່ມີອາການເຫຼົ່ານີ້ເລີຍ ດັ່ງນັ້ນ, ພວກເຮົາແນະນຳໃຫ້ທ່ານໄປກວດພະຍາດຕິດຕໍ່ທາງເພດສຳພັນ. ເພື່ອຮູ້ຄວາມສ່ຽງເບື້ອງຕົ້ນ ແລະ ໄດ້ຮັບຄໍາແນະນໍາຈາກຜູ້ຊ່ຽວຊານ
