ລົງຂາວສີເຫຼືອງແມ່ນຫຍັງ?
ລົງຂາວເປັນສີເຫຼືອງແມ່ນເປັນລົງຂາວຜິດປົກກະຕິຊະນິດໜຶ່ງທີ່ມັກພົບເຫັນໃນເດັກຍິງທີ່ເຂົ້າສູ່ໄວຈະເລີນພັນ. ໂດຍອາດຈະເປັນສີເຫຼືອງເຂັ້ມ. ຫຼື ສີເຫຼືອງໃສໆ ແລະໃນບາງກໍລະນີອາດຈະມີອາການອື່ນໆເຊັ່ນ: ອາການຄັນ, ຍ່ຽວແສບ, ມີຟອງ, ຫຼື ລົງຂາວມີກິ່ນເໝັນ. ຂຶ້ນຢູ່ກັບສາເຫດທີ່ເຮັດໃຫ້ລົງຂາວມີສີເຫຼືອງ.
ຖ້າສາວໆມີອາການເຫຼົ່ານີ້ ແນະນຳໃຫ້ໄປພົບແພດທັນທີເພື່ອກວດຫາສາເຫດ ແລະ ຮັບການປິ່ນປົວໂດຍໄວ ເພາະການລົງຂາວທີ່ເປັນສີເຫຼືອງເກີດຈາກສາເຫດທີ່ເປັນອັນຕະລາຍ. ຖ້າປະໄວ້ບໍ່ໄດ້ປິ່ນປົວ ມັນອາດຈະເຮັດໃຫ້ອາການຮ້າຍແຮງຂຶ້ນ ແລະ ສົ່ງຜົນກະທົບຕໍ່ສຸຂະພາບໄດ້.
5 ສາເຫດທີ່ເຮັດໃຫ້ເກີດລົງຂາວສີເຫຼືອງ
ລົງຂາວເປັນສີເຫຼືອງເກີດໄດ້ຈາກຫຼາຍສາເຫດດັ່ງນີ້:
- ຕິດເຊື້ອພະຍາດໃນຊ່ອງຄອດ
ມັນຈະເຮັດໃຫ້ລົງຂາວມີສີເຫຼືອງໃສໆ, ມີຟອງ ແລະ ມີກິ່ນເໝັນ ກິ່ນສົ້ມ. ມັກຕິດມາຈາກການມີເພດສໍາພັນ. ຫຼື ມີສີ່ງຕ່າງໆເຂົ້າໄປໃນຊ່ອງຄອດ, ເຊັ່ນອຸປະກອນທາງເພດ ຫຼື ຜ້າອະນາໄມແບບສອດ ທີ່ບໍ່ໄດ້ມາດຕະຖານສູງ
- ການຕິດເຊື້ອລາໃນຊ່ອງຄອດ
ຈະເຮັດໃຫ້ລົງຂາວມີສີເຫຼືອງເຂັ້ມ, ໜາ ແລະ ມີກິ່ນຄ້າຍຄືກັບນົມບູດ ແລະ ເຮັດໃຫ້ຮູ້ສຶກແສບ ແລະມີອາການຄັນໃນຂະນະຖ່າຍເບົາ ຖ້າບໍ່ໄດ້ຮັບການປິ່ນປົວໂດຍໄວ, ມັນອາດຈະແຜ່ລາມໄປສູ່ພື້ນທີ່ໃກ້ຄຽງ. ມັນຍັງສາມາດເຮັດໃຫ້ເກີດສີແດງໃນບໍລິເວນ ຂານີບໄດ້ນຳ.
ລົງຂາວມີສີເຫຼືອງຈາກການຕິດເຊື້ອຮານັ້ນ ນີ້ມັກຈະເກີດມາຈາກການໃຊ້ຢາຕ້ານເຊື້ອ. ຫຼືເກີດຂື້ນໃນຄົນທີ່ມີພູມຕ້ານທານຕໍ່າເຊັ່ນຜູ້ທີ່ໃຊ້ຢາລະບົບພູມຕ້ານທານ. ຫຼື ຜູ້ທີ່ເປັນພະຍາດເບົາຫວານ, ຖ້າສາວໆສົງໃສວ່າການລົງຂາວແມ່ນເກີດຈາກເຊື້ອລາໃນຊ່ອງຄອດ. ແນະນຳໃຫ້ເຈົ້າຟ້າວໄປພົບແພດທັນທີ.
- ການຕິດເຊື້ອໄວຣັດໃນຊ່ອງຄອດ
ຈະເຮັດໃຫ້ລົງຂາວມີສີເຫລືອງ, ມີກິ່ນເໝັນ ແລະ ຈະມີຕຸ່ມໃສໆນ້ອຍໆ ຖ້າຕຸ່ມເຫຼົ່ານີ້ແຕກອອກ. ຈະກາຍເປັນບາດແຜ ແລະ ເຮັດໃຫ້ເກີດອາການແສບ ແລະ ອາການຄັນ. ມັກຈະຕິດເຊື້ອຈາກການມີເພດສໍາພັນທີ່ບໍ່ໄດ້ປ້ອງກັນກັບຜູ້ທີ່ມີເຊື້ອໄວຣັສ.
- ການຕິດເຊື້ອແບັກທີເລຍໃນຊ່ອງຄອດ
ມັນຈະເຮັດໃຫ້ລົງຂາວມີສີເຫຼືອງຂຸ້ນ. ມີກິ່ນຄາວປາ. ແລະ ໃນບາງກໍລະນີ, ມີອາການຄັນອາດຈະເກີດຂຶ້ນ. ມັນມັກຈະເກີດຈາກການຕິດຕໍ່ທາງເພດສໍາພັນທີ່ບໍ່ໄດ້ປ້ອງກັນຄືກັບສາເຫດອື່ນໆ.
- ຕິດເຊື້ອພະຍາດໜອງໃນ
ເປັນພະຍາດຕິດຕໍ່ທາງເພດສໍາພັນໂດຍບໍ່ມີການປ້ອງກັນຖົງຢາງອະນາໄມ. ລົງຂາວຈະມີລັກສະນະເປັນສີເຫຼືອງ ແລະ ຂຸ້ນຫຼາຍ. ພ້ອມກັບອາການຄັນ ແລະເຈັບແສບໃນເວລາຖ່າຍເບົາ ມັນໄດ້ຖືກຈັດເປັນພະຍາດອັນຕະລາຍ. ແລະ ຈຳເປັນຕ້ອງໄດ້ຮັບການປິ່ນປົວທັນທີ
