ສາເຫດທີ່ເຮັດໃຫ້ເກີດລິດສິດວງ

ສາເຫດທີ່ເຮັດໃຫ້ເກີດ “ລິດສິດວງທະວານ”

ພາວະທ້ອງຜູກຊໍາເຮື້ອ

ຖອກທ້ອງ, ຖ່າຍໜັກເລື້ອຍໆ

ເບັ່ງເພື່ອຂັບຖ່າຍເປັນປະຈຳ.

ມີນິໄສຂອງການໃຊ້ໂທລະສັບມືຖື ອ່ານປື້ມໃນຂະນະທີ່ຂັບຖ່າຍເຮັດໃຫ້ໃຊ້ເວລາດົນ.

ໃຊ້ ຢາສວນ ຫຼື ຢາລະບາຍ ເປັນປະຈໍາ.

ມັກກິນເນື້ອສັດ, ອາຫານລົດຈັດ, ແລະດື່ມນ້ໍານ້ອຍ.

ການຖືພາເພີ່ມຄວາມດັນພາຍໃນຊອງທ້ອງ, ເຮັດໃຫ້ການຂັບຖ່າຍບໍ່ສະດວກ.

ພາວະໂລກຕັບແຂງ ເຮັດໃຫ້ເລືອດ ດຳ ບໍ່ສາມາດໄຫຼເຂົ້າໄປໃນຕັບ. ເສັ້ນເລືອດດຳບໍລິເວນຮູທະວານຈື່ງເກີດອາການໄຄ່.

ເມື່ອເຮົາອາຍຸຫຼາຍຂື້ນ, ກ້າມຊີ້ນຂອງພວກເຮົາຈະຍ່ານລົງ, ເຮັດໃຫ້ເບາະຮອງເລື່ອນຈົນຍື່ນອອກມາຈາກຮູທະວານ.

ນອກຈາກນັ້ນ, ຖ້າມີປະຫວັດຄອບຄົວເປັນພະຍາດ ລິດສິດວງ ມີໂອກາດເປັນພະຍາດນີ້ສູງກວ່າປົກກະຕິ.

ສັນຍານເຕືອນທີ່ທ່ານຄວນຄິດກ່ຽວກັບ ລິດສິດວງທະວານ

ເລືອດອອກໃນຂະນະທີ່ຂັບຖ່າຍ ແຕ່ບໍ່ມີອາການເຈັບ.

ມີຕິ່ງເນື້ອ ຫຼື ລິດສິດວງ ອອກມາຈາກຮູທະວານ. ແຕ່ຍຸບລົງເມື່ອຖ່າຍສໍາເລັດ.

ມີຕິງເນື້ອ ຫຼື ລິດສິດວງ ຍັງຄົງຢູ່ໃນຮູທະວານໜັກເມື່ອຂັບຖ່າຍສຳເລັດ.

ຕິງເນື້ອ ຫຼື ກ້ອນບໍຍຸບຫາຍເຖິງວ່າໃຊ້ນີ້ວມືດັນເຂົ້າ. ແລະມີອາການເຈັບປວດ ບາງຄົນອາດຈະມີອາການຄັນບໍລິເວນປາກຮູທະວານນຳ.

ສໍາລັບຄົນເຈັບຜູ້ສູງອາຍຸ, ເມື່ອມີອາການຂັບຖ່າຍເປັນເລືອດ, ຕ້ອງໄດ້ພິຈາລະນາສາເຫດອື່ນໆຮ່ວມນຳ, ເພາະວ່າອາການເຫຼົ່ານີ້ອາດຈະເປັນອາການຂອງພະຍາດ. ມະເຮັງລໍາໃສ້ໃຫຍ່ ຫຼື ມະເຮັງຮູທະວານ ດັ່ງນັ້ນ, ທ່ານຄວນໄປຫາທ່ານຫມໍເພື່ອກວດພະຍາດຢ່າງລະອຽດ.

ການດູແລຕົນເອງຂັ້ນພື້ນຖານຖ້າຫາກວ່າທ່ານມີ ລິດສິດວງ

ກິນອາຫານທີ່ມີເສັ້ນໄຍສູງເຊັ່ນ: ຫມາກຫຸ່ງ, ຫມາກກ້ວຍ, ຫມາກກ້ຽງແລະ ລູກພຸນ, ເຊິ່ງມີນ້ຳຕານຈາກທໍາມະຊາດ ແລະ ມີຄຸນສົມບັດ prebiotic. ດັ່ງນັ້ນຈຶ່ງຊ່ວຍປັບສົມດຸນຂອງລະບົບລໍາໄສ້ໃຫ້ເຮັດວຽກໄດ້ດີຂຶ້ນ. ແກ້ບັນຫາທ້ອງຜູກ ແລະຊ່ວຍເຮັດໃຫ້ອາຈົມອ່ອນລົງ. ຂັບຖ່າຍງ່າຍ

ຫຼີກລ່ຽງອາຫານເຜັດ ແລະເຄື່ອງດື່ມທີ່ມີເຫຼົ້າທຸກຊະນິດ. ເນື່ອງຈາກວ່າມັນຈະກະຕຸ້ນການອັກເສບຂອງ ລິດສິດວງ ທີ່ມີຢູ່ແລ້ວ.

ດື່ມນ້ໍາໃຫ້ຫຼາຍຂື້ນ, 1.5 – 2 ລິດຕໍ່ມື້ (8-10 ແກ້ວ), ເພື່ອສະດວກໃນການຂັບຖ່າຍ.

ປັບປ່ຽນພຶດຕິກຳຂັບຖ່າຍ ທ່ານຄວນໄປຫ້ອງນ້ໍາພຽງແຕ່ໃນເວລາທີ່ທ່ານຮູ້ສຶກປວດ ຫຼື ຢາກຖ່າຍເທົ່ານັ້ນ. ແລະທ່ານບໍ່ຄວນນັ່ງຖ່າຍເປັນເວລາດົນ. ຖ່າຍໜັກ ອ່ານປຶ້ມ ຫຼື ຫຼິ້ນໂທລະສັບມືຖືຂອງເຈົ້າໃນຂະນະທີ່ຂັບຖ່າຍ.

ຝຶກຂັບຖ່າຍໃຫ້ເປັນເວລາ. ບໍ່ກັ້ນ ຫຼື ເບັ່ງເພື່ອຂັບຖ່າຍ.

ເມື່ອຍ່ຽວ ຫຼື ຖ່າຍໜັກສຳເລັດ ຄວນລ້າງເຮັດຄວາມສະອາດດ້ວຍນ້ໍາອຸ່ນ. ໃຊ້ສະບູ່ເດັກນ້ອຍອ່ອນໆ ແລະຫຼີກລ່ຽງການໃຊ້ເຈ້ຍອະນາໄມເພື່ອຫຼຸດຜ່ອນການລະຄາຍເຄືອງ. ການໃຄ່ບວມຂອງ ລິດສິດວງ ອັກເສບ

ແຊ່ນ້ໍາອຸ່ນປະມານ 10-15 ນາທີເພື່ອຫຼຸດຜ່ອນການອັກເສບແລະຊ່ວຍໃຫ້ ກ້າມເນື້ອ ຜ່ອນຄາຍ.

ອອກກໍາລັງກາຍຢາງສະໝ່ຳສະເໝີ ແລະ ຮັກສານ້ຳໜັກໂຕໃຫ້ຢູ່ໃນເກນມາດຕະຖານ.

ຕັ້ງຢູ່: ບ.ເກົ້າຍອດ, ມ.ສີສັດຕະນາກ, ຂ.ນະຄອນຫຼວງວຽງຈັນ